لمرحلة الكره من كتر الغيرة والغيرة ليها اساليب كتير بتبان بيها بس المشكلة فى قصتنا النهاردة الغيرة غريبة شوية من نوعها احنا عارفين ان ممكن شخص يكرهك لمجرد انك احسن منه او لمجرد انه بيكرهك بس الفكرة فى قصتنا المرة دى حننتبه لحاجة مهمة ان ممكن الشخص الغيره توصله لمراحل جنونية وتضطره يعمل حاجات ممكن ميكونش يتوقع فى يوم انه يعملها وللأسف ممكن ميعرفش ايه اخرة الطريق دا. للأهمية بس لازم تعرفوا ان القصة دى احداثها حقيقية وحصلت بالفعل. انا اسمى صفاء شابة فى مطلع العمر خلصت دراستى وشغالة فى وظيفة حكومية كويسة الحمد لله مرتبى مكفينى وكمان مخطوبة لزميلى فى الشغل اسمه احمد الحمد لله متفاهمين وكلها فترة بسيطة ونحدد ميعاد فرحنا. بس فى انسانة مهمة فى قصتى لازم اكلم عنها والانسانة دى هى سلمى بنت خالى هى مش مجرد بنت خالى لا هى اختى فعلا لأنى وحيدة فهى بالنسبالى هى الصاحبة والاخت وكل حاجة فى حياتى. سلمى فى نفس عمرى كانت مرتبطة بأنسان بتحبه وبيحبها كنا دايما بنعتبر بعض عيلة واحدة كانت معايا فى كل صغيرة وكبيرة بس هى مكملتش تعليمها. المهم بدأت القصة بداية من يوم حصلتلى فى مشكلة غريبة مع خطيبى زى ما احنا ما عارفين ان احمد كان بيجى يزورنى زى اى حد خاطب واحدة واحنا قاعدين عادى خالص بعد ما اتغدينا سوا والدتى قالتلنا يلا بقا انا حقوم اعملكوا شاى بعد اذنكوا ردينا باتفضلى يا ماما على مهلك. قعدت اكلم مع احمد كتير وبناخد رأى بعض فى مواضيع كتير ليها علاقة بتجهيز الشقة وتجهيزات الفرح وبعدين حصل خلاف بينى وبينه على حاجة صغيرة اللى هى لون معين فى نقاشة الشقة مكنش عاجبنى فقولتله يا حبيبى بس انا مش حابة اللون دا تحسه قديم شوية اناقولت كدا عادى بعبر عن رأيى اللى كان دايما عادى بالنسبالى لأن احمد كان دايما متفاهم معايا بس رد فعله كان غريب خالص قام زعق وقالى انتى متمشيش كلامك عليا انتى فاهمة انا قابلت الموقف باستغراب شديد اللى هو انا مذهولة من احمد اللى عمره ما اتعامل معايا بالطريقة دى قام كمل كلامه وهو برضو لسة بيزعق انتى فاهمة انا مبحبش حد يفرض رأيه عليا انا قايم ماشى يلا سلام وراح قام وفتح الباب ورزعه وراه وانا قاعدة مذهولة ماما جت من المطبخ وهى بتقولى فى ايه يا بنتى وماله احمد انتى عملتيله ايه وزعلتيه ليه. فرديت قولتلها والله يا ماما انا معملتش حاجة وحكتلها تفاصيل الموقف اللى خلاها تستغرب هى كمان المهم قالتلى استهدى بالله يا بنتى اكيد الراجل مضغوط وساعة شيطان وحتروح لحالها. طبعا دخلت اوضتى وقفلت على نفسى وانا بعيط ومستغربة من اللى حصل اتصلت بسلمى وحكتلها اللى حصل فقالتلى يا بنتى انتى عبيطة احمد بيحبك طبعا والله اعلم هو عنده أيه ومخبيه عنك بس خير متخافيش. المهم عدى اليوم طبعا ونمت وانا زعلانة وقومت الصبح روحت شغلى والغريبة انى قابلت احمد اللى كان طبيعى جدا وقابلنى وهو مبتسم وانا طبعا مخنوقة منه دخل سلم عليا وقعد يكلم معايا كتير وانا مذهولة ازاى اللى بيحصل دا طبيعى هو ازاى نسى اللى عمله امبارح فالصراحة انا مكنتش قادرة استحمل اكتر من كدا لقيت نفسى انفجرت فيه. انت يا بنى أدم نسيت انت اتعاملت معايا ازاى امبارح قعد يضحك قالى ايه يا بنتى انتى مجنونة انا عملتلك ايه اصلا انا نازل من عندك بنهزر ونضحك قولتله مش معقول يا أحمد انت زعقت معايا لمجرد انى بقولك ان فى لون فى الشقة مش حيعجبنى رد باستغراب وقالى ازاى دا حصل انا مزعقتش معاكى اصلا قولتله ازاى اذا كان ماما طلعت من المطبخ مفزوعة من صوتك اصلا قالى مالك انتى دخلتى فى جو الهيروين يا بنتى ولا ايه مفيش ولا حاجة من دى حصلت. المهم انا قعدت افكر كتير لدرجة انى وصلت لمرحلة شكيت فى نفسى فرديت عليه قولتله طب ماشى يا احمد انا حروح دلوقتى عشان تعبانة قالى طب استنى اوصلك قولتله لأ لأ ملوش لزوم انا حروح لوحدى رد وقالى زى ما تحبى. طلعت من الشغل زى المجنونة وكلمت سلمى وانا فى السكة بحكلها اللى حصل استغربت هى كمان لانها عرفت منها اللى حصل دا واكدتلها انها كانت بتكلمها وهى بتعيط. المهم فضلت فى حالة استغراب اللى هو انا مش عارف دا حصل ولا لأ ولا انا اتجننت روحت ع البيت سألت ماما قولتلها هو حصل امبارح كذا كذا قالتلى لا يا بنتى محصلش والراجل قعد شرب شايه وهزر وضحك معايا هنا بقا انا انفجرت قولتلها ازاى وانا بصوت انا مش مجنونة حرام عليكوا انتوا عايزين تجننونى وروحت محستش بنفسى الا وانا فى المستشفى وهنا حصلت حاجة اغرب من الموقف دا شوفت نفسى وانا واعية بس كنت نايمة عالسرير زى ما اكون متكتفة وكانت الغرفة فاضيه خالص مرة واحدة سمعت صوت رجل جاية من بعيد لحد ما جت على باب اوضتى وبدأت تتكلم بكلام غريب مش فاهمة منه اى حاجة ولا عارفة بيقول ايه بس الصوت كان صوت حريمى لما ابتديت اركز بدأت افهم شوية بعض الكلام اللى بيتقال بس اول ما بدأت اركز لقيت السرير بيلف بيا جامد راح مقلوب وبقيت انا تحته بس كنت متكتفة فى السرير الغريب ان اول ما السرير اتقلب لقيت نفسى زى ما اكون نايمة على جثث وهياكل عظمية ابتديت اصرخ واحاول افك ايدى مرة واحدة لقيت الجثث دى بتولع وصورة احمد وسطها مبقتش عارفة اعمل ايه ولا عارفة افك ايدى وعماله اصرخ وانادى على احمد وعايزة اطلع صورته مش قادرة اوصله مرة واحدة لقيت النار بتزيد لحد ما طالت هدومى ومسكت فيا كلى واتحرقت هنا صرخت جامد بس المرة دى قومت لقيت نفسى على سرير المستشفى والغريبة ان زورى كان واجعنى اوى زى ما اكون كنت بصوت بجد فوقت وانا مفزوعة لقيت سلمى قاعدة جمب دماغى وامى واقفة بتقولى مالك يا صفاء ايه اللى جرالك بس لا اله الا الله. بسألهم على احمد امى ردت عليا وهى مقهورة قالتلى هو كان جاى بس وهو فى السكة عمل حادثة خفيفة ورجله اكسرت قولتله انا مش عارفة ايه بيحصلى ولا ايه دا كله انا تعبت. ردت سلمى قالتلى بصى يا صفاء انتى عارفة ان المؤمن دايما مصاب ممكن تكونى اتحسدتى يا بنتى المهم متقطعيش الصلاة وان شاء الله خير حاولى تنسى اللى حصل اليومين اللى فاتوا قولتلها ماشى ربنا ما يرجعهم تانى اليومين دول. المهم روحت ع البيت وقعدت فترة كويسة مفيش اى حاجة بس بعدها رجعت احلم نفس الحلم تانى لدرجة انى مبقتش عارفة انام وهنا بقا سلمى اتدخلت الصراحة ووقفت جمبى وقالتلى بصى احنا كدا لازم نفهم فى ايه بجد عشان شكل الموضوع كبير ممكن يكون حد عملك عمل قالتلها انا مبصدقش الكلام دا فقالتلى يا ستى احنا مش حنخسر حاجة حنروح للشيخ ادريس ودا راجل تقى وان شاء الله حيفيدنا قولتلها ملوش لزوم الموضوع دا اصلا اصرت عليا لحد ما اتفقنا اننا نروحله يوم بعد الشغل المهم اتجمعنا وروحنا فعلا عشان نقابل الشيخ ادريس كان ساكن فى منطقة قريبة مننا روحناله وكان شكله راجل تقى مكنش عنده دقن راجل عادى ضخم الجثة المهم قعد اكلم معايا وحكتله على اللى بيحصل معايا بالظبط قالى متقلقيش دة موضوع بسيط مش عايزك تخافى من حاجة ان شاء الله حنعمل شوية حاجات حتمشى عليهم وكل حاجة حتبقى تمام طلب منى شوية حاجات كان من ضمنها بخور وديك فانا استغربت ليه هو بيطلب الحاجات دى
المهم قولتله انا طبعا مش حعرف اجيب الحاجات دى قالى مفيش مشكلة انا حجبهالك بس الحاجة دى غالية حتكلف حوالى ٢٠٠٠ جنيه قولتله مفيش مشكلة يا شيخ اديته الفلوس فعلا واشترالى الحاجات وادانى البخور وكان بيطلب منى انى اولعه فى وقت معين اللى هو ما بين المغرب والعشاء المهم كنت بعمل كل اللى بيقولى عليه بس مكنتش بلاقى نتيجة لحد ما فى يوم زهقت والغريبة انى فى الوقت دا نسيت احمد خطيبى خالص مكنتش حتى بتصل أسال عليه. وابتديت اخش فى جو من العزلة مبكلمش مع حد وجالى اكتئاب شديد لحد فى يوم لقيت احمد داخل عليا وهو زعلان جدا وقالى انتى يا بنتى فينك ومالك ولا بتسألى ولا بتتصلى فى ايه انا عملتلك ايه لكل دا حرام عليكى ليه بقينا بعيد عن بعض فضل يكلم معايا كتير وابتديت اكلم معاه واحكيله عن اللى حصل معايا الفترة دى وهو كان بيسمعنى ويسمع حكايتى مع الشيخ وعلى وشه ملامح الاستغراب. لحد ما قاطعنى وقالى انتى روحتى لدجال يا صفاء انتى مش واخدة بالك ازاى ان دا دجال قولتله لأ دا محل ثقة وبعدين سلمى هى اللى ودتنى عنده قالها كل اللى انتى حكتيه عن الشيخ دا بيقول انه دجال. لا اله الا الله انتى يا بنتى ايه اللى مشاكى فى السكة دى وليه عملتى كدا المهم قالى احنا حنروح لشيخ المرة دى بس شيخ بجد مش نص كم ودجال زى اللى انتى روحتيله عشان نخلص من القصة دى. اتفقنا اننا نروح لشيخ اسمه محمد وماما جت معانا اتجمعنا وروحنا للشيخ محمد فى الجامع كان راجل مريح نفسيا شوية قعدت وحكتله على كل اللى بحلم بيه واللى حصل فى حياتى ابتسم وهو بيحاول يطمنى قالى بس يا أنسة صفاء مينفعش حد يعالج حد من الاعمال والسحر بما لم ينزل الله به من سلطان قولتله اعمال وسحر ازاى دا وبعدين ايه الكلام دا انا مش فاهمة. قالى الموضوع ببساطة اننا حنعرفه لما تشربى من المياه دى قولتله ايه دا قالى دى مياه فيها ملح ومقرى عليها قرأن متقلقيش انا مش دجال قالى كدا وهو بيضحك المهم شربت من المياه وفى البداية حسيت احساس طبيعى مكنتش حاسة طبعا الا بطعم الملح فى بوقى بس بعد كدا لقيت نفسى برجع كتير اوى وفى حاجات كتير بتنزل من معدتى والغريبة انى لقيت صورة احمد زى ما كنت بشوفها دايما فى الحلم وكان عليها زى قفل وبعدها ابتديت استوعب وكل اللى كانوا حاضرين مستغربين من الموقف. قام احمد سندنى عشان اقعد تانى والشيخ ابتدى يقرا قرأن وانا حسيت بارتياح شديد وهو بيقرا القرأن. بعد ما الشيخ خلص قالى عارفة يا انسة صفاء انتى مشكلتك انك بعيدة عن ربنا ومقصرة فى حقه انتى بتصلى قولتله بصلى واقطع للأسف قالى وطبعا انتى عندك شغف تعرفى فى أيه عندك قولتله دا اكيد قالى ما انا شوفت دا فى عينك قولتله طمنى يا شيخ عشان ارتاح قام قالى بصى يابنتى طبعا انتى عارفة ان الانسان معرض للسحر والمس دا حتى النبى عليه الصلاة والسلام اتعمله سحر. قولتله خير يا شيخنا طمنى طب قالى باختصار فى حد بيكرهك جدا هو اللى كان عملك عمل بوقف الحال وانك متبقيش موقفة فى حياتك بس المشكلة ان الحد دا قريب منك اوى للدرجة اللى تخليه يشربك او يأكلك كل السحر دا بس تعرفى انك ربنا بيحبك قولتله اشمعنة يعنى ياشيخنا قالى لأن دا لأن ربنا كل شوية كان بينبهك لدا بس للأسف انتى مكنتيش قريبة منه بما فيه الكفاية عشان يعصمك. بس انا عايز اعرف منك حاجة مهمة يا صفاء قولتله اتفضل يا شيخنا قالى مين الشخص اللى وداكى لاخينا اللى بيدعى انه شيخ دا قولتله دى بنت خالى سلمى قالها طب يا بنتى خلى بالك عشان بنت خالك دى هى اللى عملالك العمل والدجال اللى هى ودتك ليه دا هو اللى طلب منها انها تجيبك عشان الموضوع يبقى طبيعى وانتى متشكيش فيها. طبعا انا والحاضرين مستغربين ومبلمين من اللى بنسمعه قولتله طب والحل ايه يا شيخ محمد قالى الحل بسيط طبعا القرب من ربنا رقم واحد وانك تبعدى عن سلمى دى خالص لانها بتكرهك يا بنتى وبتغير منك وممكن تأذيكى تانى وحافظى على الصلاة وقراية القرأن وتحافظى على قيام الليل واذكارالصباح والمساء وان شاء الله مفيش حاجة حتحصلك تانى وان شاء الله حشوفك الاسبوع الجاى على خير وتحكيلى ايه اللى حصل معاكى. قولتله تمام يا شيخ وفعلا قطعت علاقتى بسلمى نهائى وابتديت انتظم فى الصلاة واقرب من ربنا ومن ساعتها حسيت براحة نفسية لا توصف والحمد لله انا واحمد اجوزنا وخلفنا. نصيحتى ليكوا يا جماعة خلى بالكوا من الحاجات دى اوى لانها ممكن تنهى كل حاجة حلوة فى حياتك لمجرد ان فى انسان بيكرهك او عايزك تعيس. اتمنى تكون القصة عجبتكوا واللى اللقاء فى قصة جديدة بأذن الله..jpeg)
.jpeg)
الغيره توصله لمراحل جنونية وتضطره يعمل حاجات ممكن ميكونش يتوقع فى يوم انه يعملها
4/
5
Oleh
Results
.jpg "قصة حقيقية طلب الزوج من زوجته أن تخونه مع اقرب من لديه")
